Memleket basshysyna korporatıvtik qor jumysynyń nátıjeleri men jetistikteri, sondaı-aq osy ınnovasııalyq medısınalyq ortalyqtyń damý perspektıvalary týraly málimet berildi, dep habaraıdy Egemen.kz Aqordanyń resmı saıtyna silteme jasap.
Atap aıtqanda, Iýrıı Pıa Prezıdentke Nazarbaev ýnıversıtetine qarasty medısınalyq mektep janynan Akademııalyq medısınalyq ortalyq ashý josparyn aıtty. Onyń pikirinshe, mundaı ortalyqtyń ashylýy klınıkalyq bilim berý deńgeıin kóterýge jáne ony halyqaralyq standartqa sáıkestendirýge múmkindik beredi. Bul ortalyqtyń jumysy ǵylymı-zertteý, bilim berý jáne klınıkalyq qyzmettiń sınergııasy negizinde ozyq bilim men tájirıbeni paıdalanýǵa, jańa formasııadaǵy medısına salasynyń mamandaryn daıarlaýǵa, emdelýshige baǵdarlanǵan medısınalyq járdem berý júıesin damytýǵa baǵyttalǵan.
Qasym-Jomart Toqaev densaýlyq saqtaý sapasyn arttyrýdyń, medısınalyq qyzmettiń qoljetimdiligin qamtamasyz etýdiń asa mańyzdy ekenin atap ótip, otandyq medısınany jańǵyrtýǵa baǵyttalǵan josparyna oń baǵa berdi.
Aıana Toǵanbek