Bul týraly qalalyq máslıhat otyrysynda «City Transportation Systems» JShS Basqarma tóraǵasy Bekmyrza Igenberdınov aıtty, dep habarlaıdy Egemen.kz qala ákimdiginiń resmı saıtyna silteme jasap.
«Qalanyń bas josparynda kóliktik damý bólimi bar, biraq ýaqyt talaby men ýrbanızasııany, jańa syn-tegeýrinderdi eskere otyryp, egjeı-tegjeıin (kólik-aýysyp otyrý toraptary, burylý alańdary, jaıaý júrginshiler, baǵdarshamdar jáne t.b.) jazyp, keshendi kólik shemasynyń damýyn jeke bólip kórsetý qajet. Álemdik tájirıbede qalalyq jáne kóliktik josparlaý qala qurylysynyń ózara táýeldi elementteri bolyp tabylady», dedi Bekmyrza Igenberdınov.
Sonymen qatar kólik kompanııasynyń basshysy qalalyq kólikti basqaratyn uıymdar arasyndaǵy úılestirý jumystaryn kúsheıtý qajettigin atap ótti.
«Budan basqa, magıstraldy kósheler men ózen arqyly ótetin qosylym sanyn arttyrý qajet. Turǵyn kvartaldardyń qurylysyn kóliktik qoljetimdilikti eskere otyryp josparlaý qajet. Joǵaryda aıtylǵandardy eskere otyryp, qalalyq kólikti basqarý salasyndaǵy strategııalyq qujat – keshendi kólik shemasyn jasaý eń durys sheshim bolady», dep qosty Bekmyrza Igenberdınov.
Keshendi kólik shemasy qalada qalalyq kólikti uıymdastyrý men basqarýǵa qatysty qoldanystaǵy quqyqtyq júıedegi olqylyqtar men qaıshylyqtardy anyqtaıdy, jer paıdalaný men qalalyq kólikti josparlaýdy, qalalyq kólik salasyna tartylǵan organdardyń fýnksııalary men ókilettikterin biriktiredi. Budan basqa, qoǵamdyq kólik, jol-kólik ınfraqurylymy, jol qozǵalysyn uıymdastyrý, kólik aǵyndaryn basqarý, turaq keńistigi salalaryndaǵy problemalardy sheshýdi usynady.
Qalalyq máslıhat Keshendi kólik shemasynyń tujyrymdamasyn bekitti. Úkimetpen jáne QR IIDM-men birlesip qarjylandyrý kózderi kelisilip, budan ári KKS iske asyrý úshin alynatyn bolady.