Elordada ótip jatqan Eurasian Book Fair-2022 V Eýrazııa halyqaralyq kitap kórme-jármeńkesinde Roza Baǵlanovaǵa arnalǵan kitap-albomnyń tusaýkeseri uıymdastyryldy, dep habarlaıdy Egemen.kz QR Mádenıet jáne sport mınıstrligine silteme jasap.
«Táýelsizdik alǵan jyldardan beri memleket otandyq kitap salasyn damytýǵa, qazaqstandyq avtorlardy qoldaýǵa, qoǵamdyq mańyzy bar ádebıetterdi shyǵarýǵa erekshe kóńil bólip keledi. О́zderińiz biletindeı, bıyl aty ańyzǵa aınalǵan ánshi Roza Baǵlanovanyń týǵanyna 100 jyl tolyp otyr. Osy mereıtoıǵa «Roza Baǵlanova» kitap-albomy daıyndaldy. Meniń oıymsha, bul oqyrmandarǵa qyzyqty bolady», dedi Mádenıet jáne sport mınıstri Dáýren Abaev kitaptyń tusaýkeser rásiminde. Dańqty ánshige arnalǵan kitap-albomnyń 3 myń danasy shyǵarylǵan.
Aıta keteıik, kórme-jármeńkeniń negizgi maqsaty - kitap oqýdy nasıhattaý, oqyrman mádenıetin qalyptastyrý, áleýetti oqyrmandar men satyp alýshylarǵa jetekshi baspalardyń kitap ónimderiniń zamanaýı assortımentin usyný. Sondaı-aq, kitap shyǵarý men polıgrafııa salasyndaǵy jańa tehnologııalardy tanystyryp, álemdik kitap shyǵarý jáne baspa ındýstrııasynyń tájirıbesin zerdeleý.
Bıylǵy kórmege barlyǵy 80-nen astam kompanııanyń ónimi qoıylǵan.
Eske sala keteıik, Qyzylordada jáne Almatyda Roza Baǵlanovanyń eskertkishi ashyldy.