Qarjylyq monıtorıng agenttiginiń Qaraǵandy oblysy boıynsha departamenti qarttar úıi turǵyndarynyń zeınetaqy tólemderi men járdemaqylaryn urlaý faktisi boıynsha qylmystyq isti tergep jatyr, dep habarlaıdy Egemen.kz.
Qylmys jasady degen kúdikpen Qazaqstan Respýblıkasy Qylmystyq kodeksiniń 190-baby 3-bóliginiń 3-tarmaǵy boıynsha Qaraǵandy oblysyndaǵy qarttar úıiniń meńgerýshisi jáne áleýmettik qyzmetkeri ustalyp, ýaqytsha ustaý ızolıatoryna qamaldy.
Qaraǵandy oblystyq soty qarttar úıiniń basshysyna qatysty 2 aı merzimge qamaýǵa alý túrindegi bultartpaý sharasyn sanksııalady.
«Tergeý jalǵasýda, tergeý múddesine qatysty basqa málimetter jarııa etilmeıdi», delingen habarlamada.
Qarjylyq monıtorıng agenttiginiń málimetine sáıkes, áleýmettik nysanda 90 adam qamqorlyqqa alynǵan, onyń 30-y - múgedek, 60-y - zeınetker.
Aıana Toǵanbek