Qarjylyq monıtorıng agenttiginiń Qaraǵandy oblysy boıynsha aýmaqtyq departamenti kontrafaktilik alkogol ónimin daıyndaý jáne ótkizý faktisiniń jolyn kesti, dep habarlaıdy Egemen.kz.
Baspasóz qyzmetiniń málimetinshe, jasyryn tergeý áreketteriniń nátıjesinde Qaraǵandy oblysynyń Saran qalasynda jalǵa alynǵan qoımada sýrrogat alkogol ónimin óndiretin astyrtyn seh uıymdastyrylǵany anyqtaldy.
Atalǵan seh ónimderi Qaraǵandy oblysynyń bazarlary men dúkenderine ótkizilip kelgen. Tintý kezinde jalpy kólemi 10 myń lıtrge jýyq 4 myń dana sýrrogat spırtiniń plastıkalyq bótelkeleri, 500 lıtr kólemindegi 100 dana plastıkalyq ydystar, jalpy kólemi shamamen 12 myń lıtr 20 myńnan astam dana ár túrli sharap jáne araq ónimderi tárkilendi.
«Atalǵan fakti boıynsha Qylmystyq kodekstiń 214-babynyń 1-bóligi boıynsha sotqa deıingi tergep-tekserý jumystary bastalyp, óndirilgen jáne ótkizilgen ónimniń barlyq kólemin anyqtaý boıynsha jedel-izdestirý sharalary júrgizilip jatyr», delingen habarlamada.