Túrkııadaǵy Ankara daǵdarys jáne saıası zertteýler ortalyǵynda (ANKASAM) tanymal ǵalymdar, zııaly qaýym ókilderi, memlekettik qyzmetkerler, sarapshylardyń qatysýymen alqaly jıyn ótti. Basqosý barysynda aıtylǵan áńgime «30 jyldyq yntymaqtastyq aıasyndaǵy Qazaqstan-Túrkııa qarym-qatynasy» taqyrybynda órbidi.
Semınar formatynda ótken jıynda «Egemen Qazaqstan» respýblıkalyq gazeti» AQ basqarma tóraǵasy Darhan Qydyrəli túrik saıasattanýshylary men sarapshylarynyń aldynda arnaıy dəris oqydy. О́z sózinde ol Qazaqstan men Túrkııa arasyndaǵy baýyrlastyq baılanystarǵa keńinen toqtaldy.
Sonymen qatar Qazaqstanda Prezıdent Qasym-Jomart Toqaev tyń batyl bastamasymen qolǵa alynǵan Konstıtýsııalyq reformalar jóninde oılarymen bólisip, Anadolydaǵy aǵaıynǵa qara shańyraq Qazaqstandaǵy jańalyqtardy jetkizdi. Tamyrlas elder arasyndaǵy yntymaqtas tyqtyń damýy jóninde sóz qozǵady.
Budan bólek Memleket basshysynyń 16 naýryzdaǵy halyqqa Joldaýynda aıtylǵan negizgi basymdyqtardy baıandap berdi. Onda kóterilgen basty məselelerdi naqty mysaldarmen túsindirdi.
Halyqaralyq uıymdarda ter tókken təjirıbeli dıplomat Prezıdent Qasym-Jomart Toqaevtyń jetekshiligimen Qazaqstan teńgerimdi jəne kópsalaly syrtqy saıasat júrgizip jatqanyna toqtaldy. Osy oraıda spıker Qazaqstannyń syrtqy saıasatynda Túrkııamen jəne túrki əlemimen qarym-qatynastyń orny erekshe ekenine ekpin berdi. Túrik-qazaq qarym-qatynasynyń kóp qyrly jəne tarıhı turǵyda tamyryn tereńnen tartqanyn əńgimelep berdi.
«Qazaqstan qysqa merzim ishinde Batyspen, Reseımen, Qytaı men, túrki əlemimen jəne Túrkııamen jaqsy qarym-qatynas ornatýdy kózdeıtin teńgerimdi syrtqy saıasatty odan əri ustanatynyn aıqyn kórsetti», dedi D.Qydyrəli.
Darhan Qydyrəliniń aıtýynsha, biregeılik pen sanany ornyqtyrý turǵysynan túrki əlemi qazir eleýli ózgeristerdi bastan keshirip otyr. Baıkaldan Balqanǵa deıingi ulan-ǵaıyr atyrapta ómir súretin túrki halyq tary qazirgi tańda uly túrki órkenıetiniń bir bóligi ekenin kúnnen-kúnge uǵynyp kele jatyr. Əsirese, keıingi 30 jyl da mundaı baýyrlastyq sezimi birte-birte damydy. Oǵan Túrkııanyń da úlken úles qosqanyn atap ótti. Qazirgi tańda Túrkııa men Ortalyq Azııa daǵy túrki memleketteri arasyndaǵy mədenı baılanys jańa kezeńge kóterilgenine toqtaldy.
Dəris barysynda D.Qydyrəli BAQ ókilderi men saıası sarapshylardyń tamyrlas túrki əlemindegi bekem baýyrlastyq, Qazaqstan men Túrkııa arasyndaǵy yntymaqtastyq baılanystar jəne onyń bolashaǵy, atajurt qazaq eliniń kópvektorly syrtqy saıasaty jəne Jańa Qazaqstandaǵy saıası reformalar týraly kóptegen suraqqa jaýap berdi. Sondaı-aq osyndaı múmkindikti usynǵan ANKASAM basshysy Mehmet Seıfettın Erolǵa rızashylyǵyn bildirip, baǵaly kitaptar tartý etti. О́z kezeginde ANKASAM basshysy Jańa Qazaqstandaǵy reformalar men ózgeristerdiń búkil Túrki əlemi úshin de asa mańyzdy ekenin atap ótti.
Jıyn barysynda sóz sóılegen sarapshylar, zııaly qaýym ókilderi Qazaqstannyń demokratııalyq jolǵa basqan qadamyn, Konstıtýsııalyq reformalaryn joǵary baǵalady. Elimizdiń bolashaǵy jarqyn bolýyna tilektestigin bildire otyryp, Anadolydaǵy aǵaıynnyń Qazaqstan bastamalaryna ərdaıym qoldaý kórsetetinin jetkizdi.
Sonymen qatar osy kúni Ankarada Alash ardaqtylary Ahmet Baıtursynulynyń týǵanyna 150 jyl, Muhtar Əýezovtiń dúnıege kelgenine 125 jyl tolýyna arnalǵan is-shara uıymdastyryldy. Atalǵan basqosý aıasynda Halyqaralyq Túrki akademııasy shyǵarǵan birqatar kitaptyń tusaýkeser rəsimi ótti. Atap aıtqanda, «Ahmet Baıtur synuly jəne Alash» atty maqalalar toptamasy, «Qazaq bilimpaz darynyń tuńǵysh sıezi» tarıhı materıaldar jınaǵy jəne M.Əýezovtiń «Qyrǵyzdyń batyrlyq eposy «Manas» atty eńbegi túrik oqyrmandaryna tanystyryldy. Jıynǵa Túrkııa depýtattary, ǵalymdar, zııaly qaýym ókilderi, túrkitanýshylar qatysty.