Qyzylordada denesiniń 90 paıyzyn qabyrshyq basyp ketken 5 jasar Jasulan Qorǵanbek esimdi balanyń ata-anasy ony emdetýge aqsha taba almaı otyr. Bul týraly KTK telearnasy habarlady.
Anasynyń aıtýynsha, balasy ómirge kelgende, denesin kúıik shalǵandaı bolyp týǵan. Mine, sodan beri balaaqı osy aýrýdyń azabyn tartyp keledi.
Dárigerler onyń ıhtıoz aýrýyna shaldyqqanyn aıtady. Ol jaman naýqas meńdegen Qazaqstandaǵy jalǵyz bala. Ata-anasy onyń neden bolǵanyn bilmeıdi. Biraq týa-bitti osyndaı. Dárigerler bul tuqym qýalaıdy degen. Áıtkenmen, otbasynda ondaıǵa shaldyqqan jan joq. Bizdiń elde kópshilikke túsiniksiz derttiń emi joq. Almatyda qosymsha em qabyldaǵan. Biraq qaıran bolmady deıdi anasy. Sondyqtan, úıde ózderi kútip, baǵýda. Al, shetel asyp, shıpa izdeýge qarajaty taǵy joq. Qaıǵydan qan jylaǵan ananyń bir ǵana armany Jasulandy sheteldik dárigerlerge kórsetý bolyp otyr.
«Janyna batqan jaradan qınalǵandyǵyn bildirgisi kelmeıdi bala. О́te kóńildi, alǵyr. Artynan ergen ini, qaryndasymen asyr salyp oınap júr. Bizben de esh jatyrqamaı, tildesti. О́z qatarlastarynan oıynyń ozyqtyǵy baıqalady. Jasy 5-ke endi tolatynyna qaramastan, túrli taqpaqtardy jatqa aıtady», - deıdi arna tilshisi.
Jasulan qazir taqpaq aıtyp, dombyra shertedi eken. Súp-súıkimdi sábıdi osy kúnge deıin qoǵam shettetip keldi. Denesin kórip, balabaqshalar da bul baladan bas tartty. Sodan bolar, anasy balany kóp dalaǵa shyǵarmaıdy.
Qoǵamnan qaǵajý kórgen balaqaıdyń armandary da úlken. Eki aıaǵymdy qatarlastarymmen teń basyp júrsem, mektepke barsam deıdi. Jazdy kúnderi túndi kirpik ilmeı atyrdy. О́ıtkeni ystyqta myna denedegi jara qutyryp, balanyń terisi kıimge de, jatqan jaımaǵa da jabysyp qalatyn. Sodan áke men sheshe kezek kúzetip, balanyń aıaq qolyn kóterip, demep, jaımaǵa jabysyp qalmaýyn qadaǵalady. Jasulan týraly jalpaq jurttyń bile bastaǵanyna bir aıdaı boldy.
Otandyq mamandar bul derttiń emdelmeý múmkin ekenin aıtyp otyr. Degenmen, Ázerbaıjan men Izraılde aýrýyn basýǵa kómektesetin em tásilderi bar kórinedi. Tek onyń árbir qabyldaýy 8 mıllıon teńge. Al ondaı aqsha jas otbasyda joq. Sondyqtan Jasulannyń jaqyndary kópten kómek suraýǵa májbúr. Qolushyn berýge nıettilerdiń ekranda kórsetilgen nómirge habarlasýyna bolady.
Murat Aıtqoja.
Derekkóz: KTK.
Foto: KTK.
Baılanys telefony:
(Kartochkaǵa aýdarý úshin) KZ886010 00 200 548 41 11 «Halyq banki», +7 702 884 44 37, +7 701 606 31 83.
Telefondary: anasy Ulbıbi Yqylasova +7 702 884 44 37; ákesi: +7 701 606 31 83; atasy: +7 777 783 83 10.