Qazaqstan Respýblıkasy Prezıdentiniń «Qazaqstan Respýblıkasynyń memlekettik qyzmetshilerin daıarlaý, qaıta daıarlaý jáne olardyń biliktiligin arttyrý qaǵıdalaryn bekitý týraly» № 1457 Jarlyǵyna sáıkes Memlekettik qyzmet isteri agenttigi tóraǵasynyń buıryǵymen memlekettik qyzmetshilerdi daıarlaý, qaıta daıarlaý jáne olardyń biliktiligin arttyrýdy uıymdastyrýdy jetildirý boıynsha úılestirý keńesi quryldy. Bul týraly agenttiktiń baspasóz qyzmeti habarlady.
Úılestirý keńesiniń quramyna agenttiktiń, Prezıdent janyndaǵy Memlekettik basqarý akademııasynyń ókilderi, memlekettik organdardyń jaýapty hatshylary, oblys, qalalar jáne aýdandar ákimderi apparattarynyń jetekshileri, óńirlik oqytý ortalyqtarynyń dırektorlary endi.
Úılestirý keńesiniń birinshi otyrysy bıylǵy 10 sáýirde bolyp ótti.
Keńestiń negizgi mindeti memlekettik qyzmetshilerdi oqytý máseleleri boıynsha zańnamalardy júzege asyrý tetikterin qurý jáne jetildirýge baǵyttalǵan kelisilgen usynystar ázirleý, memlekettik qyzmetshilerdi oqytý máseleleri boıynsha memlekettik organdardyń, bilim berý uıymdarynyń ózara áreketteri men áriptestikterin úılestirý bolyp tabylady.
Agenttik tóraǵasynyń orynbasary Á.Kómekbaev tóraǵalyq etken otyrysta memlekettik qyzmetshilerdi ortalyq jáne óńirlik deńgeıde oqytý máselesi jan-jaqty qarastyryldy.
Máseleni talqylaýǵa Qazaqstan Respýblıkasy Prezıdentiniń janyndaǵy Memlekettik basqarý akademııasynyń rektory B.S.Ábdirásilov, Qazaqstan Respýblıkasy Statıstıka agenttigi tóraǵasynyń orynbasary A.Ashýev, О́OO-nyń basshylary G.Isenova, R.Qabdýllına, L.Egemberdıev, memlekettik organdardyń personaldy basqarý qyzmetiniń basshylary qatysty.
Úılestirý keńesi otyrysynyń nátıjesi boıynsha tıisti usynymdar qabyldandy.
Sáken Maılybaı.
Derekkóz: Memlekettik qyzmet isteri agenttigi baspasóz qyzmeti.