Búgin, 11 sáýir kúni Qazaqstan Fýtbol federasııasynyń bas hatshysy bolyp Allen Shaıjúnisov taǵaıyndaldy. Bul týraly Vesti.kz habarlady.
Buǵan deıin Saıan Hamıtjanov atalmysh qyzmetti 2008 jylǵy 21 naýryzdan beri atqaryp keldi. Ol 2012 jylǵy 30 mamyrdan federasııanyń birinshi vıse-prezıdenti bolyp ta taǵaıyndaldy. Al 2013 jyldan quramalar komandalar jónindegi komıtetti basqardy.
Fýtbol federasııasynyń atqarýshy dırektory Oljas Abraev óziniń Tvıtterinde: «Qazaqstan Fýtbol federasııasy birinshi vıse-prezıdent jáne bas hatshy S.J.Hamıtjanovtyń otstavkasyn qabyl aldy», - dep jazdy.
«Qazaqstan Fýtbol federasııasynyń bas hatshysy bolyp Shaıjúnisov Allen Serjanuly taǵaıyndaldy», -dedi ol sosyn.
Eske sala keteıik, Saıan Hamıtjanov bul qyzmetten ketetinin 2013 jylǵy tamyzda alǵash málimdegen edi.
Damır Qojamqul.
Derekkóz: Vesti.kz
Foto: astanafans.com.