Abaı, Jetisý, Ulytaý oblystaryn qurý týraly Jarlyqtyń jobasy Memleket basshysynyń qaraýyna engizildi, dep habarlaıdy Egemen.kz Úkimettiń telegram kanalyna silteme jasap.
Memleket basshysynyń tapsyrmasyn iske asyrý aıasynda úkimettik komıssııa qurylyp, aýqymdy jumystar atqaryldy. Jarlyq jobasyn daıyndaý kezinde aýdandyq jáne oblystyq máslıhattar deńgeıinde birqatar jarııa tyńdaýlar ótti.
Sonymen qatar Respýblıkalyq onomastıka komıssııasynyń otyrysy ótip, onda jańa oblystarǵa ataýlar berý týraly usynystar qoldaý tapty. Aýyldyq eldi mekenderde jergilikti atqarýshy organdar turǵyndarmen kezdesýler uıymdastyryp, túsindirý jumystaryn ótkizdi.
QR Prezıdentiniń bastamasy jańadan qurylatyn óńirlerdiń turǵyndary men qoǵam belsendileri, aýdandyq jáne oblystyq deńgeıdegi depýtattar tarapynan qoldaý tapty. Qoǵamdyq pikirler men usynystar eskerile otyryp, qaıta uıymdastyrylatyn jáne jańadan qurylatyn óńirlerdiń shekaralary aıqyndaldy.