Qazaqstannyń depozıtterge kepildik berý qory teńgelik depozıtter boıynsha 2022 jyldyń maýsym aıyna usynylatyn eń joǵary syıaqy mólsherlemelerin bekitkenin málimdedi, dep habarlaıdy Egemen.kz
3 jáne 6 aıǵa arnalǵan merzimsiz, merzimdi jáne jınaq depozıtter, sondaı-aq 12 jáne 24 aıǵa arnalǵan merzimdi depozıtter boıynsha maksımaldy mólsherlemeler ózgerissiz qaldy jáne mamyr aıyndaǵy deńgeıde saqtaldy.
«12 jáne 24 aıǵa arnalǵan jınaq depozıtter boıynsha maksımaldy mólsherlemeler depozıt naryǵynyń osy segmentinde ortasha ólshemdi naryqtyq mólsherlemelerdiń ósýine baılanysty sáıkesinshe 0,1 paıyzdyq tarmaqqa jáne 0,2 paıyzdyq tarmaqqa joǵarylady», delingen habarlamada.