Aqtóbe qalasyndaǵy «Zerek LTD» jaýapkershiligi shekteýli seriktestigi mektepke deıingi balalardy ózdiginen damytý jáne qazaqsha úıretý úshin sýretti kitapshalardy oqıtyn dybysty qalam oılap shyǵardy.
Búldirshinderdiń oı-órisin damytý maqsatynda jasalǵan bul júıe arnaıy mamandar men tárbıeshi-ustazdardyń uzaq jylǵy eńbeginiń jemisi eken. Al ony jasaǵan ónertapqyshtardyń biri – bizdiń Aqjaıyq aýdanynyń ortalyǵy Chapaevtaǵy mektep-gımnazııanyń túlegi Abzal Qadyrbaev ekeni turǵyndar úshin zor maqtanysh.
«Zerek» atty sóıleıtin qalamnyń ereksheligi nede? Paıdalaný týraly nusqaýlyqta kórsetilgendeı, sóıleıtin qalam – zamanaýı tehnologııanyń sapaly jáne qaýipsiz elektrondy ónimi. Onyń atqaratyn fýnksııalary da az emes. 2-3, 4-5 jáne 6-7 jastaǵy balalarǵa arnalǵan jeke-jeke sýretti kitapshalardy paıdalana otyryp, qalamdy oǵan tıgizý arqyly balanyń aınalamen tanystyǵy, ortany tanyp bilýi bastalady. «Zerek» qalamy búldirshinderdiń qyzyǵýshylyǵyn arttyryp, oılaý, kórý, túsiný, sóıleý, sýret salý qabiletterin damytady. Ár balany óz ana tilinde erkin, jatyq sóıleýge, sóz mánerin qalyptastyrýǵa, oqýǵa, esepter shyǵarýǵa, taqpaqtar jattaýǵa, án aıtýǵa jattyqtyrady.
Sýretterdi paıdalaný arqyly dybys pen áýenge toly ınteraktıvti sabaq alýǵa bolady. «Balalar mektepke barǵansha kóp sózdi, sóılemderdi, sandardy jattap alyp, saırap turady. Balabaqshada bolsyn, úıde bolsyn, sóıleıtin qalam men sýretti kitapshalardyń sábıge bereri mol», – dep pikir bildiripti pedagogıka ǵylymdarynyń kandıdaty, professor Jánııa Nurjan. Qalamdy kompıýterge USB arqyly qosyp, jady kartasyna án jazyp, ony MRZ kartasy arqyly tyńdaı da alasyz. Sóıleıtin qalam ekologııalyq talaptarǵa saı taza ónimderden jasalǵan.
Kólemi shaǵyn bul qural alyp júrýge óte qolaıly, yńǵaıly. Ol ár baldyrǵannyń senimdi serigi, súıikti dosy, aqylshy ustazy bolary anyq. Osyndaı asa qajet oqý quralyn jasaǵan Abzal baýyrymyz bolashaqta ony jetildire túsý úshin eńbektenip júrgenin aıtady. Al «Zerek» qazir elimizdiń batys aımaǵyndaǵy qala, aýyl dúkenderine túse bastady.
Bolat ESQALIEV,
jýrnalıst.
Batys Qazaqstan oblysy,
Aqjaıyq aýdany.
Sýretterde: Abzal Qadyrbaev ózi jasaǵan oqý quralymen jáne «Zerektiń» jalpy kórinisi.