El Prezıdenti Qasym-Jomart Toqaev: «Jańa Qazaqstan degenimiz ne?» degen saýalǵa «Jańa Qazaqstan – shyn máninde, ádil Qazaqstan!», dep naqty da nyq jaýap berdi.
Dál osyndaı qoǵamdy qurý úshin onyń barlyq reformasy, eń aldymen, bıliktiń avtokratııasyna, qoǵamnyń bólinýine alyp kelgen, áleýmettik ádiletsizdik pen teńsizdikti týdyrǵan jáne ekonomıkanyń turaqty damýyna kedergi bolǵan burynǵy saıası júıeni ózgertýge baǵyttalǵan.
Alaıda mundaı túbegeıli reformalardy iske asyrý úshin tek joǵarydan engiziletin ózgerister – sýperprezıdenttikten arylý, Parlamentti kúsheıtý, atqarýshy bılikti demokratııalandyrý ǵana emes, eń bastysy, Prezıdent atap ótken, azamattyq qoǵamdy damytý, azamattar arasynda memleketti basqarýǵa qatysý belsendiligin arttyrý mańyzdy. О́ıtkeni halyqtyń sanaly qoldaýynsyz qoǵamda demokratııalyq ózgeristerdiń bolýy múmkin emes!
Biraq másele kóp jyl boıy avtokratııalyq júıeniń karteldik partııalardy memlekettik resýrstar esebinen júzege asyrylyp kelgendikten, halyqtyń bılikke, ádil saılaýǵa jáne qarapaıym adamdardyń qandaı da bir nársege áser ete alý múmkindigine degen seniminiń azdyǵynda bolyp otyr. Tipti eldiń basty zańy – Konstıtýsııaǵa engizilgen ózgerister kóp jyl boıy qoǵamda keń talqylaýsyz qabyldandy.
Prezıdenttiń el Konstıtýsııasyna túzetýler qabyldaý boıynsha búkilhalyqtyq referendým ótkizý jónindegi usynysy eldegi saıası ózgeristerdi halyqtyń ózimen sheshý qajettiligimen ǵana baılanysty emes. Bul usynys Jańa Qazaqstanda budan bylaı onyń bolashaǵyn bılik emes, azamattardyń ózderi anyqtaıtynyn kórsetedi.
Memleket basshysy ýaqyttyń ózgergenin, adal saılaý men saıası básekelestik kezeńi bastalǵanyn aıqyn kórsetip otyr. Sondyqtan biz ózimiz ózgerýge, bılikke degen burynǵy senimsizdikterden, barlyǵyn bos synaýdan alystaýǵa tıispiz. Saılaý jáne qoǵamdyq damý ınstıtýttaryna qatysý arqyly memleketti basqarýǵa qatysýymyz kerek, ıaǵnı óz eliniń naǵyz azamaty bolýymyz shart.
Aqylbek KÚRIShBAEV,
Senat depýtaty