Mektep túlekteri tarıhtan emtıhandy aýyzsha tapsyrady

Bıyl mektepti 155 myńnan astam túlek bitiredi, 9-synypta 267 myńnan astam oqýshy oqıdy. 9-synypqa arnalǵan qorytyndy emtıhandar 28 mamyr men 6 maýsym aralyǵynda ótedi. Olar tórt pán boıynsha synaqtan ótedi.   11-synyp oqýshylary úshin emtıhandar 27 mamyrda bastalyp, 10 maýsymǵa deıin jalǵasady. 11-synyp túlekteri bes emtıhan tapsyrýy kerek. Bıyl Qazaqstan tarıhy boıynsha emtıhan aýyzsha ótedi. Ár bılette úsh suraq beriledi. Eń joǵary upaı – 30.   Spıkerdiń aıtýynsha, sońǵy qońyraý bıyl 25 mamyrda, attestatty saltanatty tapsyrý – 16-17 maýsymda ótedi. Rásim mektep qabyrǵasynda ótedi.   Gúlmıra Kárimova mektep bitirý saltanatyna anımatorlardy, merekelik agenttikterdi tartýǵa jol berilmeıtinin aıtty. Sondaı-aq merekelik ústel uıymdastyrýǵa, jalǵa beriletin avtomobılmen ekskýrsııa jasaýǵa tyıym salynǵanyn atap ótti. Ákimshilik pen muǵalimderge syılyq úshin aqsha jınaýǵa, meıramhana men dámhanalarda kesh uıymdastyrýǵa da tyıym salynady.   Aıana Toǵanbek