Brazılııanyń Kashıas-dý-Sýl qalasynda ótip jatqan Sýrdlımpıadanyń kezekti kúninde el qorjynyna alǵashqy altyn júlde tústi.
Dzıýdo sportynan 81 kılo salmaqta beldesken otandasymyz bas júlde úshin ótken fınaldyq saıysta Ońtústik Koreıa sportshysy Kım Mın Sokty aıqyn basymdyqpen jeńip, altynnan alqa taqty. Sondaı-aq ol jartylaı fınalda týrnırdiń basty favorıti sanalǵan fransııalyq Rafael Kýbelıkany da jarys jolynan yǵystyrǵan bolatyn.
Úshinshi jarys kúninen keıin Qazaqstan quramasynyń qorjynynda jeti júlde (1 altyn, eki kúmis, tórt qola) bar. Jerlesterimiz ázirge jalpykomandalyq esepte 12-orynda tur. Kósh basynda Ýkraına sportshylary keledi – 19-6-13.