7 mamyrda Nur-Sultanda Otan qorǵaýshylar kúnine jáne Jeńis kúnine arnalǵan jalpy bilim beretin mektep oqýshylary men joǵary oqý oryndarynyń stýdentteri arasynda jeńil atletıkalyq estafeta ótedi, dep habarlaıdy Egemen.kz elorda ákimdiginiń resmı saıtyna silteme jasap.
Estafetany ótkizýge baılanysty Jeńis dańǵyly men Bıgeldınov kóshesiniń qıylysy (Qarjy mınıstrligi), Álııa Moldaǵulova kóshesi, Beıbitshilik kóshesi men Otyrar kóshesine deıin saǵat 10.30-dan 12.00-ge deıin jabylady.
Joǵaryda atalǵan kósheler kezeń-kezeńmen ashylady.«Elorda turǵyndary men qonaqtaryn qala joldarynda keptelis týdyrmaý úshin óz marshrýttaryńyzdy aldyn ala josparlap, túsinistikpen qaraýlaryńyzdy suraımyz», delingen habarlamada.