Senbide Reseı Federasııasy Qorǵanys mınıstrligi Qazaqstan Qarýly kúshteriniń memlekettik áskerı-tarıhı murajaıyna muraǵat qujattarynyń kóshirmesin tabystady, dep habarlaıdy Egemen.kz.
«Bul materıaldar leıtenant Raqymjan Qoshqarbaev pen qatardaǵy Grıgorıı Býlatovtyń erliginiń dáleli. Olar 1945 jyly 30 sáýirde birinshi bolyp Reıhstagqa Jeńistiń qyzyl týyn tikti», delingen elshilik habarlamasynda.
Táýelsiz qazaqstandyq jýrnalıst Aqmaral Batalovanyń arqasynda qujattar tabylyp, kitap bolyp basylyp shyqty.
Saltanatty sharaǵa Reseıdiń Qazaqstandaǵy elshisi Alekseı Borodavkın, Qazaqstan Qarýly Kúshteri bas shtaby bastyǵynyń orynbasary general-maıor Serik Borambaev, Nur-Sultandaǵy Rýsskıı dom qyzmetkerleri qatysty.
Is-shara Qazaqstanda Uly Jeńistiń 77 jyldyǵyn merekeleý baǵdarlamasynyń mańyzdy bóligi, dep qosty elshilikte.