Bıylǵy jyldyń sáýir aıynda elordalyqtar 5,6 mlrd teńgege jýyq jarna aýdarǵan, dep habarlaıdy Egemen.kz «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń baspasóz qyzmetine silteme jasap.
«Jalpy 2017 jyldyń 1 shildesi men 2022 jyldyń 29 sáýiri aralyǵynda Nur-Sultan qalasy boıynsha medısınalyq saqtandyrý úshin jınaqtalǵan jarna 120,4 mlrd teńgege jýyq» – dep habarlaıdy Áleýmettik medısınalyq saqtandyrý qorynyń elorda fılıalynyń baspasóz qyzmeti.
«Nur-Sultan qalasy boıynsha osy jyldyń sáýir aıynda 5,6 mlrd teńgege jýyq jarna tústi. Onyń 3,2 mlrd teńgege jýyǵy – jumys berýshilerdiń aýdarymdary, al jeke kásipkerlerden túsken jarna – 2,4 mlrd teńge. Al 2022 jyldyń qańtar-sáýir aılary aralyǵynda medısınalyq saqtandyrý úshin elordalyqtar 19,7 mlrd teńgeden asa jarna aýdarǵan, onyń 10,8 mlrd teńgege jýyǵy jumys berýshilerdiń aýdarymdary, al jeke kásipkerlerden túsken jarna – 8,9 mlrd teńge.
2022 jyldyń qańtar-sáýir aılary aralyǵynda 11 941 biryńǵaı jıyntyq tólem (BJT) tóleýshilerden túsken MÁMS jarnalary 43,4 mln. teńgege jýyq somany quraıdy, al osy jyldyń sáýir aıynda 8137 BJT tóleýshilerden 10,8 mln.teńge túsken»,-delingen habarlamada.