Qostanaı oblysynyń Qarasý aýdany jaǵynan tosyn kelgen qarǵyn sý Almaty-Ekaterınbýrg baǵytyndaǵy tasjoldyń bir bóligin shaıyp ketip, kólikter arnaıy tehnıkalardyń kómegimen aınalma jol arqyly trassaǵa shyǵýǵa májbúr boldy. Apat bolǵan aımaqqa jetken oblys ákimi Samat Eskendirov jaǵdaıdy shuǵyl túzetý sharalaryn qabyldady.
Nátıjesinde 20-ǵa jýyq KamAZ kólikteri, ekskavatorlar jumyldyrylyp, ińir qarańǵylyǵynda joldy qalpyna keltirý jumystary aıaqtaldy. Tótenshe jaǵdaılar mınıstrliginen qosymsha kúshter tartylyp, Almaty qalasynyń №28237 áskerı bóliminen kelgen qyryq sarbaz da belsendilik kórsetti.
Ǵ.Músirepov aýdandyq tótenshe jaǵdaılar bóliminiń jetekshisi Ámir Bekshentaevtyń aıtýynsha, Sharyq sý qoımasynyń jaıy syn kótermeıdi. Osydan on jyl buryn jeńil-jelpi jóndeý kórgeni bolmasa, gıdrotoraptardyń 70 paıyzynyń tozyǵy jetken. 8 naýanyń 3-ýi ǵana qar sýyn ótkizýge qaýqarly. Bóget syr berse, Rýzaevka, Kókalajar, Mádenıet, Chernobaevka eldi mekenderin sý alyp ketý qaýpi bar.
Samat Saparbekuly «Qazavtodor» mekemesimen birlese otyryp, jazda kúrdeli jóndeý jumystary júrgiziletinin qadap aıtty.
О́mir ESQALI,
«Egemen Qazaqstan».
Soltústik Qazaqstan oblysy.