Búgin Qazaqstan quramasy Fınlıandııada hokkeıden 2022 jylǵy Álem chempıonatyna daıyndyq aıasynda Latvııa komandasymen ekinshi joldastyq match ótkizedi, dep habarlaıdy Egemen.kz Sports.kz-ke silteme jasap.
Latvııa-Qazaqstan oıynynyń tikeleı translıasııasy Nur-Sultan ýaqyty boıynsha 22:30-da bastalady.
Latvııa men Qazaqstan quramalary arasyndaǵy birinshi joldastyq match 8 mamyrda ótken bolatyn. Bul match 0:5 esebimen qazaqstandyqtardyń jeńilisimen aıaqtalǵan edi. Latvııalyqtardan Nıkolaı Elıseev (11 jáne 15-mınýtta), Karlıs Chýkste (13-mınýtta), Oskars Batnıa (26-mınýtta) jáne Andrıs Djerınsh (60-mınýtta) shaıba soqty.
13-29 mamyr aralyǵynda Helsınkı men Tamperede (Fınlıandııa) hokkeıden ÁCh-22 ótedi. Qazaqstan quramasy A tobynda Kanada, Germanııa, Shveısarııa, Slovakııa, Danııa, Fransııa jáne Italııa komandalarymen oınaıdy. El quramasy týrnırdegi óziniń alǵashqy matchyn 14 mamyr kúni Danııa quramasymen ótkizedi.
Aıana Toǵanbek