«Damý» kásipkerlikti damytý qory» AQ dırektorlar keńesiniń tóraǵasy bolyp Erulan Jamaýbaev saılandy. Bul sheshimdi dırektorlar keńesi 2022 jyly 4 mamyrda qabyldady, dep habarlaıdy Egemen.kz.
Bul qyzmetke ol Premer-Mınıstrdiń orynbasary – Saýda jáne ıntegrasııa mınıstri Baqyt Sultanovtyń ornyna keldi.
Jamaýbaev Erulan Kenjebekuly 1974 jyly 25 naýryzda dúnıege kelgen. 1995 jyly Qazaq memlekettik basqarý akademııasyn «qarjy jáne nesıe» mamandyǵy boıynsha, 2009 jyly T. Rysqulov atyndaǵy Qazaq ekonomıkalyq ýnıversıteti janyndaǵy «strategııalyq menedjment» mamandyǵy boıynsha Halyqaralyq bıznes mektebin bitirgen.
Sondaı-aq, halyqaralyq qarjy uıymdarynda jáne Batys elderiniń ortalyq (ulttyq) bankterinde makroekonomıkalyq jáne qarjylyq saıasat, aqsha-nesıe saıasatynyń strategııasy jáne ony Eýropalyq ortalyq bankte júzege asyrý erekshelikteri, makroekonomıkalyq menedjment, qarjylyq naryqtyq quraldar, qarjylyq turaqtylyq baǵyttary boıynsha biliktilikti arttyrý kýrstarynan (tájirıbeden) ótti. Eńbek jolyn 1996 jyly stajer-oqytýshy, keıin Qazaq memlekettik basqarý akademııasynda oqytýshy bolyp bastady.
1998 jyldan - Qazaqstan Respýblıkasy Ulttyq Bankiniń jetekshi sarapshy, bas sarapshy, bas sarapshy maman, bólim bastyǵy, Ǵylymı-zertteý jáne statıstıka departamenti dırektorynyń orynbasary, 2006 jyldan - Qazaqstan Respýblıkasy Ulttyq Bankiniń Úılestirý departamentiniń dırektory. 2014 jyldan - «Qazaqstannyń turǵyn úı qurylys jınaq banki» AQ basqarýshy dırektory, 2015 jyldyń shildesinen - Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary, 11.2015 jyldan bastap - Áleýmettik-turmystyq sektor bóliminiń meńgerýshisi. Qazaqstan Respýblıkasy Prezıdenti Ákimshiliginiń Ekonomıkalyq monıtorıngi, 11.2018 jyldan bastap – Qazaqstan Respýblıkasy Prezıdentiniń kómekshisi, 03.2019 jyldan bastap – Qazaqstan Respýblıkasy Qarjy mınıstrliginiń Jaýapty hatshysy, 05.2020 jyldan – Qarjy mınıstri. 01.2022 jyldan bastap Qazaqstan Respýblıkasy, 29.03.2022 jyldan bastap - Qazaqstan Respýblıkasy Premer-Mınıstriniń orynbasary - Qazaqstan Respýblıkasy Qarjy mınıstri qyzmetine qaıta taǵaıyndalǵan.
Engizilgen ózgeristerdi eskere otyryp, «Damý» kásipkerlikti damytý qory» AQ Dırektorlar keńesiniń quramyna jeti adam kiredi. Olar: Erulan Jamaýbaev, Raıymbek Batalov, Elena Bahmýtova, Ádil Muhamedjanov, Ásem Nurǵalıeva, Tımýr Jaqsylyqov jáne Gaýhar Býrıbaeva.
Aıana Toǵanbek