Qazaqstan Respýblıkasy Úkimetiniń qaýlysy № 72

2014 jylǵy 10 aqpan Astana, Úkimet Úıi Kórsetiletin zań kómegi sapasynyń krıterıılerin bekitý týraly «Memleket kepildik bergen zań kómegi týraly» 2013 jylǵy 3 shilde­degi Qazaqstan Respýblıkasy Zańynyń 10-babyna sáıkes Qazaqstan Respýblıka­synyń Úkimeti qaýly etedi: 1. Qosa berilip otyrǵan kórsetiletin zań kómegi sapasynyń krıterııleri bekitilsin. 2. Osy qaýly alǵashqy resmı jarııalanǵan kúnnen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri        S. AHMETOV. Qazaqstan Respýblıkasy Úkimetiniń 2014 jylǵy 10 aqpandaǵy № 72 qaýlysymen bekitilgen Kórsetiletin zań kómegi sapasynyń krıterııleri 1. Memleket kepildik bergen zań kómegi: 1) quqyqtyq aqparat berý; 2) quqyqtyq konsýltasııa berý; 3) «Memleket kepildik bergen zań kómegi týraly» 2013 jylǵy 3 shildedegi Qazaqstan Respýblıkasynyń Zańynda jáne Qazaqstan Respýblıkasynyń ózge de zańnamalyq aktilerinde belgilengen jaǵdaılarda jáne tártippen sottarda, qylmystyq qýdalaý organdarynda, ózge de memlekettik organdar men memlekettik emes uıymdarda jeke tulǵalardyń múddelerin qorǵaý jáne bildirý túrinde kórsetiledi. 2. Mynalar quqyqtyq aqparat berý túrinde kórsetiletin zań kómegi sapasynyń krıterııleri bolyp tabylady: 1) zańmen berilgen ókilettikter sheginde quqyqtyq aqparat berýdi júzege asyrý; 2) halyqqa obektıvti jáne jan-jaqty aqparattyń berilýin qamtamasyz etý; 3) quqyqtyq aqparat berý túrinde zań kómegin kórsetetin sýbektilerdiń áreketine (áreketsizdigine) negizdelgen shaǵymdardyń bolmaýy. 3. Mynalar quqyqtyq konsýltasııa berý túrinde kórsetiletin zań kómegi sapasynyń krıterııleri bolyp tabylady: 1) jeke tulǵalardyń ótinishterine memlekettik tilde nemese Qazaqstan Respýblıkasynyń zańnamasyna silteme jasaı otyryp, ótinish berilgen tilde ýájdelgen jaýap bere otyryp, olardyń obektıvti, jan-jaqty qaralýyn qamtamasyz etý; 2) jeke tulǵalardyń ótinishterin qaraý kezinde merzimderin saqtaý; 3) ótinish berýshilerdiń ótinishteri quzyretine sáıkes basqa sýbektilerge nemese laýazymdy adamdarǵa jiberilgeni týraly olardy ýaqtyly habardar etý; 4) quqyqtyq konsýltasııa túrinde zań kómegin kórsetetin sýbektilerdiń áreketine (áreketsizdigine) negizdelgen shaǵymdardyń bolmaýy. 4. Mynalar sottarda, qylmystyq qýdalaý organdarynda, ózge de memlekettik organdar men memlekettik emes uıymdarda jeke tulǵalardyń múddelerin qorǵaý jáne bildirý túrinde kórsetiletin zań kómegi sapasynyń krıterııleri bolyp tabylady: 1) kásiptik mindetterdi oryndaý kezinde Qazaqstan Respýblıkasy zańnamasynyń normalaryn saqtaý; 2) kásiptik mindetterdi oryndaý kezinde Advokattardyń kásiptik etıkasy kodeksiniń normalaryn saqtaý; 3) qylmystyq qýdalaý organdarynyń laýazymdy adamdarynyń zań kómegin kórsetetin sýbektilerdiń áreketine (áreketsizdigine) negizdelgen shaǵymdarynyń bolmaýy; 4) zań kómegin kórsetetin sýbektilerdiń áreketine (áreketsizdigine) sottar­dyń zańdy kúshine engen jeke qaýlylarynyń, uıǵarymdarynyń bolmaýy; 5) zań kómegin kórsetetin sýbektilerdiń áreketine (áreketsizdigine) negizdelgen shaǵymdardyń bolmaýy. 5. Memleket kepildik bergen zań kómegin kórsetetin sýbektilerdiń qyzme­tin úılestirýdi, sondaı-aq kórsetiletin zań kómeginiń sapasyn baqylaýdy Qazaq­stan Respýblıkasynyń zańnamasyna sáıkes ýákiletti organ júzege asyrady.