Almatyda 4 jasar bala shuńqyrǵa jınalǵan sýǵa qulap, kóz jumdy, dep habarlaıdy Egemen.kz.
Jazataıym oqıǵa 9 mamyr kúni Alataý aýdany Qarasý yqsham aýdanynda káriz sorǵy stansııasynyń qurylys jumystary ornynda bolǵan.
«Káriz sorǵy stansııasyn ornatý jumystaryn Almaty qalasy energotıimdilik jáne ınfraqurylymdyq damý basqarmasynyń tapsyrysy boıynsha merdiger uıymdar júrgizgendigi anyqtaldy», dedi Almaty qalasy Alataý aýdanynyń prokýratýrasy.
Prokýratýra atap ótkendeı, qurylys jumystary 2021 jylǵy jeltoqsan aıynda aıaqtalýy tıis edi, alaıda merdiger uıymdar belgisiz sebeptermen belgilengen merzimde obektini tıisti túrde tapsyrmaǵan, onyń mán-jaıy anyqtalyp jatyr.
«Bul fakti Alataý aýdandyq polısııa basqarmasynda tirkeldi. Qazirgi tańda sotaldy tergeý júrgizilip jatyr. Sot-medısınalyq saraptama taǵaıyndaldy. Zań aıasynda jaýapty adamdarǵa shara qoldanylady», dedi Polısııa departamentiniń resmı ókili Saltanat Ázirbek.
Aıana Toǵanbek