Burynǵy Densaýlyq saqtaý mınıstri Eljan Birtanovqa qatysty basty sot otyrysy 26 mamyrda ótedi, dep habarlaıdy Egemen.kz.
Búgin Nur-Sultan qalasy Saryarqa aýdandyq №2 sotynda burynǵy Densaýlyq saqtaý mınıstri Eljan Birtanovtyń isi boıynsha aldyn ala sot tyńdaýy ótti.
«Eljan Birtanov pen Oljas Ábishevti aıyptaý boıynsha qylmystyq is materıaldary qaraldy. Osylaısha sot aıyptylar men olardyń qorǵaýshylarynyń QR QIJK-de oryn alǵan buzýshylyqtardy joıý úshin qylmystyq isti prokýrorǵa qaıtarý týraly ótinishterin qanaǵattandyrý, qylmystyq isti toqtatý jáne Birtanovqa qatysty bultartpaý sharasyn ózgertýden bas tartýdy qaýly etedi», dedi Saryarqa aýdandyq №2 sotynyń sýdıasy Ibragım Álkenov.
Basty sot otyrysy 26 mamyrda saǵat 10:00-ǵa belgilendi.
«Eljan Birtanov pen Oljas Ábishevtiń aıyptaýyna qatysty negizgi sot otyrysy jalpy tártippen ashyq túrde ótedi. Sottalýshylarǵa qatysty úıqamaq túrindegi bultartpaý sharasy ózgerissiz qalady. Iаǵnı qylmystyq is boıynsha túpkilikti sheshim qabyldanǵanǵa deıin úıqamaq merzimin uzartý týraly sheshim qabyldandy», deıdi ol.
Eske sala keteıik, burynǵy Densaýlyq saqtaý mınıstri Eljan Birtanov 2020 jyldyń 3 qarashasynda bıýdjet qarajatyn ysyrap etti degen kúdikpen qamaýǵa alynǵan bolatyn.
Bıyl qańtarda eks-mınıstrdiń ústinen qozǵalǵan qylmystyq is sotqa tústi.
Aıana Toǵanbek