Túrkistan oblysynyń polıseıleri kezekti reıd kezinde Arys, Saryaǵash jáne Otyrar aýdandarynyń aýmaqtarynda dalaly jerlerde ósetin emdik qasıeti óte joǵary dárilik keýrek shóbin zańsyz qazǵandar ustaldy, dep habarlaıdy Egemen.kz Polisia.kz-ke silteme jasap.
Reıd barysynda Otyrar aýdanynda – 33 (Tájikstan) jáne Arys aýdanynda júzden (О́zbekstan) astam zańsyz jumys istep júrgen sheteldik anyqtaldy. Olar QR ÁQBtK-niń 517-babynyń 5-bóligimen (Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) boıynsha jaýapqa tartylyp, 100-den astam sheteldik ákimshilik qamaýǵa alyndy.
Sonymen qatar, keýrek shóbin qazýǵa zańsyz sheteldik jumys kúshin tartqan Qazaqstan Respýblıkasynyń eki azamaty anyqtalyp, olarǵa QR ÁQBtK-niń 519-babymen (Sheteldik jumys kúshin jáne eńbekshi kóship kelýshilerdi Qazaqstan Respýblıkasynyń zańnamasyn buza otyryp tartý) boıynsha hattama túzildi.