Shymkenttegi ýaqytsha ustaý abaqtysynyń 17 qyzmetkeri óz mindetterin buzǵany úshin qatań tártiptik jazaǵa tartyldy. Bul shara jýyrda abaqtydan kúdiktiniń qashyp ketýine baılanysty qoldanylyp otyr, dep habarlaıdy Egemen.kz Shymkent qalasy jáne Túrkistan oblysy boıynsha Qylmystyq-atqarý júıesi departamentine silteme jasap.
Atalǵan departamenttiń baspasóz qyzmeti málimetinshe, 17 qyzmetkerden bólek, atalǵan abaqtynyń taǵy 1 qyzmetkeri jumysynan bosatyldy.
«Shymkent qalasynyń polısııa departamenti atalǵan fakti boıynsha Qazaqstan Respýblıkasy Qylmystyq kodeksiniń 426-baby boıynsha sotqa deıingi tergeý bastady. Al Shymkent qalasy jáne Túrkistan oblysy boıynsha Qylmystyq-atqarý júıesi departamenti qyzmettik tekserý júrgizýde. QR QIJK 201-babyna sáıkes sotqa deıingi tergep-tekserýdiń qalǵan derekteri jarııa etýge jatpaıdy», delingen departamenttiń habarlamasynda.