Sheteldik analogten úsh ese arzan súıekti almastyratyn materıal – otandyq ǵylymnyń jańa jetistigi. Iá, jaqynda qazaqstandyq ǵalymdar súıekterdi qalpyna keltirýge arnalǵan qoljetimdi bıomaterıal-gıdroksıapatıt ázirledi. Elimizdegi kompanııalar taýardyń alǵashqy partııasyn satyp alyp úlgerdi.
Bilim jáne ǵylym mınıstrligine qarasty Janý problemalary ınstıtýtynyń zertteýshiler jasap shyǵarǵan súıekti almastyratyn materıal sheteldik analogterden úsh ese arzan turady. Atalǵan ınstıtýttyń ǵalymy Zulqaıyr Mansurov materıaldyń 1 gramy 10 myń teńge turatynyn aıtady.
«Bıologııalyq shıkizattan gıdroksıapatıt termııalyq óńdeý, kúıdirý, arnaıy hımııalyq reaksııalar júrgizý jáne posttermııalyq kúıdirý arqyly alynady. Bizdiń modıfıkasııa barlyq ádisti alýdy jaqsartý arqyly ýaqytty ulǵaıtý esebinen jáne joǵary temperatýra rejimin tańdaý jáne t.b. esebinen júzege asyrylady. Nátıjesinde, biz jaqsartylǵan krıstaldyq qurylymy jáne ónimniń tazalyǵy joǵary (95%) sapaly materıal aldyq. Sheteldik kompanııalar osyndaı joǵary sapaly IAО́-niń (ıkemdi avtomattandyrylǵan óndiris) 1 gramyn shamamen 32 myń teńgege satady. Al bizdiń materıaldyń baǵasy 1 gramy úshin 10 myń teńge», deıdi hımııa ǵylymdarynyń doktory, professor Z.Mansurov.
Ǵalym Z.Mansurov qazir medısına ǵylymdarynyń doktory, Ál-Farabı atyndaǵy Qazaq ulttyq ýnıversıtetiniń professory, «Almagest» oqý-klınıkalyq stomatologııa ortalyǵynyń dırektory Maqsut Temirbaevpen birlesip alynǵan mıneraldy is júzinde qoldaný jumystaryn jalǵastyryp jatyr. Otandyq gıdroksıapatıt súıek aqaýlaryn qalpyna keltirýde, súıek zaqymdalǵan jaralarda, synyqtarda, plastıkalyq hırýrgııada, ıaǵnı bet súıekteriniń plastıkalyq hırýrgııasynda jáne tisterdi ımplantasııalaýda qoldanylady.
«Gıdroksıapatıtpen qaptalǵan ımplantattar keri reaksııa týdyrmaıdy jáne saý súıek tinimen belsendi túrde baılanysyp, regenerasııa men ońaltý prosesin jedeldetý qabiletine ıe ekenin atap ótken jón. Bizdiń otandyq joǵary sapaly gıdroksıopatıt ımporttyq materıaldardy ońaı almastyra alady», dep túsindirdi Z.Mansurov.
Júrgizilgen zertteýlerdiń nátıjeleri boıynsha Bilim jáne ǵylym salasynda sapany qamtamasyz etý komıteti jáne SCOPUS ındekstelgen derekter qorynda ǵylymı jumystar jarııalandy. Bul zertteý jumysynyń senimdiligi men ózektiligin kórsetedi. Aıta keteıik, ǵylymı jumys Bilim jáne ǵylym mınıstrliginiń granttyq qarjylandyrýy aıasynda júzege asyryldy.