Bıyl qalanyń jasyl beldeýi taǵy 451 518 kóshetpen kógaldandyrylady. Olardyń arasynda qaıyń, qaraǵaı, úıeńki, qaraqat jáne alma aǵashtary bar, dep habarlaıdy Egemen.kz elorda ákimdiginiń resmı saıtyna silteme jasap.
Otyrǵyzý jumystary aýa raıynyń jylynýymen mamyr aıynyń basynda bastaldy. Qazir «Astana Ormany» brıgadasy kúnine 25 myńnan astam kóshet egip jatyr.
«Eger elimizdiń basqa bólikterinde ormandardy sýarý qoldanylmasa, klımatymyzdyń erekshelikterine baılanysty jasyl beldeý kóshetteri sýarýdy qajet etedi. Kóktemde otyrǵyzylǵan kóshetter bıyl 12 ret, sodan keıin ár maýsymda 6 ret sýarylady. Klımattyń ereksheligi materıaldy tańdaýda da bilinedi. Mysaly barlyq otyrǵyzý materıaldary bizde aýdandastyrylǵan. Bul degenimiz otyrǵyzý kezinde Aqmola oblysynyń materıaldaryn paıdalanamyz degen sóz. О́ıtkeni ońtústiktiń aǵashtary bizde tamyr almaıdy», deıdi «Astana Ormany» JShS bas agronomy Ardaq Hasenov.
Aıta keteıik, búgingi tańda elordanyń jasyl beldeýi 14 827 gektar jerdi quraıdy. Bul aımaqta 9,6 mıllıonnan astam aǵashtar men 1,8 mıllıonǵa jýyq butalar ósedi.