Premer-Mınıstr beınekonferensııa baılanysy rejıminde О́zbekstan Premer-Mınıstri Abdýlla Arıpovpen kelissóz júrgizdi. Úkimet basshylary keńeıtilgen quramda saýda-ekonomıkalyq yntymaqtastyqty odan ári damytý, ónerkásip, kólik, aýyl sharýashylyǵy jáne bilim berý salalaryndaǵy birlesken jobalardy iske asyrý barysy, sondaı-aq sý-energetıka salasyndaǵy ózara is-qımyl máselelerin talqylady, dep habarlaıdy Egemen.kz Úkimet basshysynyń saıtyna silteme jasap.
2021 jyldyń qorytyndysy boıynsha Qazaqstan men О́zbekstan arasyndaǵy saýda-sattyq 33%-ǵa ósken. Ekijaqty taýar aınalymyn $10 mlrd deıin jetkizý úshin aldaǵy bes jylǵa Praktıkalyq is-qımyl jospary qabyldandy.
Sondaı-aq qazaqstandyq kompanııalardyń О́zbekstanǵa et-sút ónimderin, balyq jáne odan jasalatyn ónimderdi eksporttaýǵa múddeli ekeni aıtyldy.
Tashkentte Ál-Farabı atyndaǵy QazUÝ, L. N. Gýmılev atyndaǵy EUÝ men M. Áýezov atyndaǵy Ońtústik Qazaqstan ýnıversıtetiniń fılıaldaryn ashý máselesi pysyqtalyp jatyr.