Belarýs eliniń prezıdenti Aleksandr Lýkashenko Memleket basshysy Qasym-Jomart Toqaevty týǵan kúnimen quttyqtady, dep habarlaıdy Egemen.kz Belarýs prezıdentiniń saıtyna silteme jasap.
«Sizdiń jasampaz jáne jan-jaqty qyzmetińiz, belsendi ómirlik ustanymyńyz jáne baı basqarýshylyq tájirıbeńiz qýatty jáne gúldengen Qazaqstandy qurýǵa, onyń turǵyndarynyń ál-aýqatynyń ósýin qamtamasyz etýge baǵyttalǵan», dep jazylǵan quttyqtaýda.
Sondaı-aq ol Mınsk pen Nur-Sultan arasyndaǵy dástúrli dostyq qarym-qatynastardyń tereńdeı beretinine senim artatynyn atap ótti.
Aleksandr Lýkashenko Qasym-Jomart Toqaevqa zor densaýlyq, beıbitshilik jáne onyń barlyq josparlarynyń oryndalýyn tiledi.