Stýdentter keńes berý jobasyna qatysady

Atalǵan ortalyq astana mańyndaǵy turǵyn­dar­dan bas­tap, barsha qazaq­standyqqa qyzmet kór­se­tedi. Elimizde jer paıda­la­nýshylar qata­ryn­da saıa­jaı­lardyń, jeke úıler­diń, ýchaskelerdiń, aýyl sharýashylyǵy jer­le­ri­niń ıeleri men garaj­dar­dyń ıeleri bar. Osy jer paıdalanýshylar óz terrıtorııalaryna baılanys­ty irili-usaqty suraqtar týyndaǵan kezde memlekettik organdarǵa júginedi. Biraq másele bir ortalyqtan she­­­shilip bir jerden ja­­ýap alý múmkin bolmaıdy. Sodan azamattar birneshe mekemege bas suǵyp, sabylyp, ýaqytyn joǵaltady. Ortalyq jetekshisi Farabı Ermekovtyń aıtýynsha, keńes berý ortalyǵy osy olqylyqtyń ornyn toltyrý maqsatynda stýdentterdi tartý arqyly «bir tereze» qaǵıdaty negizinde quryldy.

– Biz aldymen jumysty stýdentterdi irikteýden bastadyq. Jalpy qabyl­danǵan 250 stýdenttiń ishin­de 94 erikti jobaǵa qatysýǵa nıet bildirdi. О́tinish be­rý óte yńǵaıly, tele­fon qońyraýlary nemese áleýmettik jelilerdegi habarlamalar arqyly da qabyldanady. Stýdentter men oqytýshylardan qural­ǵan jobalyq top qazirdiń ózinde jumysqa kirisip ketti. О́tinishter bazaǵa engiziledi, odan ári oryndaýshy maman aınalysady. Túpnusqa tekserý úshin sarapshyǵa beriledi. Saraptama oń bolǵanda túpkilikti jaýap ótinish berýshige jiberiledi. О́tinish túsip, barlyq jumys tolyǵymen aıaqtalǵannan ke­ıin oryndalǵan jumys aktisine ekijaqty qol qo­ıy­lady. Qajet bolǵan jaǵ­daıda ótinimderdi óńdeý jumysyna ýnıversıtettiń stýdent­terinen bólek, agro­óner­kásip keshenin sıfrlandyrý salasyndaǵy jerge ornalastyrý, sáýlet jáne dızaın fakýlteti men Tehnologııalyq quzyret­ti­lik ortalyǵynyń mamandary tartylady. Sondaı-aq «Azamattarǵa ar­nal­ǵan úkimet» KeAQ da kon­sýl­ta­sııalyq kómek kór­se­tedi, – deıdi F.Ermekov.

Ortalyq ókiliniń má­lim­­de­ýinshe, mamandar­ jer­gilikti jerge baryp, za­manaýı teh­no­lo­gııa­lyq turǵydan má­se­leni anyq­­taýǵa da qaty­sa­dy. Sa­ýat­ty ári jan-jaqty jaýap berý úshin stýdentter jer zańnamasy boıynsha aldyn ala daıyndyq kýrstarynan ótip otyr. Bul rette QazBederProject JShS basshysy Jánibek Sat­ty­ba­ev stýdentterge ar­na­ıy bi­lik­tiligin arttyrý maq­sa­tyn­­da semınar-trenıngter uıym­das­tyrǵan.

Jumys barysyndaǵy tájirı­besin bólisken orta­lyqtyń mamany, S.Seı­fýllın atyndaǵy Qazaq agro­tehnıkalyq ýnıver­sıte­tiniń 2 kýrs stýdenti Madına Tólegenqyzy: «Biz kelip túsken aqparatty dereý oryndaýǵa kirisemiz. Osyǵan deıin bizge beril­gen aqparattar deregin qolda­namyz. Eger jumys kúr­de­lene tússe, jetek­shi­lerimiz ben quzy­retti oryndarǵa júgine­miz. Osy­laı­sha ýaqyt ozdyrmaı máse­leni sheshýge tyrysamyz», deıdi.