BQO boıynsha qylmystyq-atqarý júıesi departamentiniń baspasóz qyzmeti málim etkenindeı, RÝ-170/2 mekemesiniń bir qyzmetkeri qyzmetinen shettetildi, dep habarlaıdy Egemen.kz.
«Tekserý qorytyndysy boıynsha taǵy úsh qyzmetkerge qyzmetine tolyq sáıkes emestigi jóninde eskertý berildi. Tórt adamǵa qatań sógis jarııalandy. Úsheýi sógis alsa, taǵy bireýine eskertý berildi», dep habarlady vedomstvodan.
Eske sala keteıik, budan buryn Oral túrmesinde tóbeles bolyp, 10 adam jaraqat alǵanyn jazǵan edik. Atalǵan oqıǵa boıynsha QR QK 107-baby 2-bóligine (densaýlyqqa qasaqana aýyrlyǵy ortasha zııan keltirý) sáıkes polısııa qyzmetkerleri sotqa deıingi tergeý amaldaryn júrgizip jatyr.
BQO densaýlyq saqtaý basqarmasynyń baspasóz qyzmeti osy oqıǵa kezinde jaq súıegi synǵan adamnyń áli aýrýhanada jatqandyǵyn jetkizdi.