Qazaqstan Respýblıkasy Azamattyq avıasııa komıtetiniń delegasııasy Eýrokomıssııanyń ushý qaýipsizdigi komıtetiniń otyrysynda sóz sóıledi, dep habarlaıdy Egemen.kz vedomstvonyń baspasóz qyzmetine silteme jasap.
Kezdesýde qazaqstandyq delegasııa Qazaqstannyń ushý qaýipsizdigi salasyndaǵy ilgerileýi men sharalary týraly aıtyp berdi. Sondaı-aq sarapshylar Halyqaralyq Azamattyq avıasııa uıymynyń (IKAO) aýdıtorlarynyń IKAO-nyń Úılestirilgen valıdasııalyq mıssııasy (ICVM) sheńberinde táýelsiz tekserýi týraly baıandady. Onda Qazaqstan ushý qaýipsizdigin qamtamasyz etý deńgeıin 74 paıyzdan 84 paıyzǵa deıin arttyrdy, bul ortasha álemdik kórsetkishten 15 paıyzǵa joǵary.
EO Ushý qaýipsizdigi komıtetiniń músheleri Qazaqstannyń qol jetkizgen nátıjelerin joǵary baǵalaı kele Qazaqstannyń ushý qaýipsizdigi deńgeıin arttyrý jónindegi kúsh-jigerin quptady.«Qazirgi ýaqytta qazaqstandyq áýe kompanııalar úshin Eýropa elderine ushýǵa shekteýler joq ekenin atap ótý qajet. Qazaqstandaǵy ushý qaýipsizdigi boıynsha qazirgi jaǵdaıdy resmı baǵalaýdy Eýropalyq Odaq osy jylǵy maýsymnyń basynda jarııalaıdy», delingen habarlamada.
Aıana Toǵanbek