Túrkistan oblysyndaǵy «Jibek joly» shekarasynda esirtki zatyna uqsas dánder alyp ótpek bolǵan sheteldik azamat ustaldy. Bul týraly Túrkistan oblystyq polısııa departamentiniń baspasóz qyzmeti málim etti, dep habarlaıdy Egemen.kz.
«Kúdikti qyzmettik ıttiń belgisinen keıin toqtatylyp, er adamnan esirtki zatyna uqsas dánder tabyldy. Atalǵan derekti tártip saqshylary QR QK 286-baby 1-bóligi boıynsha tirkeýge aldy. Polıseıler kúdiktiniń qaltasynan alynǵan zatqa sot saraptamasyn taǵaıyndap, nátıjesinde onyń sora ósimdiginiń uryǵy ekendigi anyqtaldy», delingen PD málimdemesinde.
Belgili bolǵanyndaı, kúdikti - О́zbekstannan Qazaqstanǵa ótpek bolǵan ózge eldiń azamaty. Ol sora ósimdiginiń uryǵyn bódene qusyna jem retinde alyp kele jatqanyn aıtqan.
Sotqa deıingi tergeý amaldary júrip jatyr.