Elordalyq Kólik jáne jol-kólik ınfraqurylymyn damytý basqarmasy Qalalyq PD ákimshilik polısııa basqarmasynyń kelisimi boıynsha Qabanbaı batyr jáne Jeńis dańǵyldarynda jol tósemderin aǵymdaǵy jóndeý jumystaryn júrgizýde, dep habarlaıdy Egemen.kz Nur-Sultan ákimdiginiń resmı saıtyna silteme jasap.
20 mamyrda jóndeý jumystarynyń júrgizilýine baılanysty Qabanbaı batyr dańǵyly boıynsha Qorǵaljyn tas jolynan Qaraótkel kópirine deıingi ýchaskedegi avtokólik quraldary úshin qozǵalys ishinara jabylady.
Sonymen qatar 20-22 mamyr aralyǵynda Jeńis dańǵylyndaǵy Bógenbaı batyr dańǵylynan bastap Máskeý kóshesine deıingi qozǵalys tolyǵymen jabylady.
«Elorda turǵyndary men qonaqtary qala joldarynda keptelis týdyrmaý úshin qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystaryn júrgizýge túsinistikpen qaraýdy suraımyz», delingen beıindi basqarmanyń habarlamasynda.
Aıana Toǵanbek