Rospotrebnadzordyń Ortalyq ǵylymı-zertteý epıdemıologııa ınstıtýtynyń dırektory Vasılıı Akımkın koronavırýs ınfeksııasy maýsymdyq aýrýǵa aınalýy múmkin ekenin málimdedi, dep jazady Egemen.kz RIA Novostı-ge silteme jasap.
«Koronavırýstyń maýsymdyq razrıadqa ótýi ábden múmkin. Sodan keıin biz jyl saıyn tumaýdaǵy sııaqty oǵan vaksına tańdap, saldyramyz», dedi sarapshy «Juqpaly aýrýlar – ózekti problemalar, emdeý jáne aldyn alý» VIII vedomstvoaralyq ǵylymı-praktıkalyq konferensııa barysynda.
Onyń aıtýynsha, qazir otandyq ulttyq málimetter bazasy qalyptasqan. Onda koronavırýstyń 130 myńnan astam genomy bar. Búginde «Omıkron» shtamynyń 45-ten astam mýtasııasy kezdesedi.
«Álemdik praktıkada tirkelgen barlyq genonusqa Reseı aýmaǵynda boldy. Alaıda olardyń tek ekeýi – «Delta» men «Omıkron» ǵana kóp taraldy», dedi Vasılıı Akımkın.