Túrkistan oblysynda 660 medısınalyq nysan tekserilip, sanıtarlyq talaptardy saqtamaǵan medısınalyq mekemelerge aıyppul salyndy, dep habarlaıdy Egemen.kz.
Sanıtarııalyq-epıdemıologııalyq baqylaý qyzmeti jyl basynan beri óńirdegi 660 medısınalyq nysandy tekserdi. Nátıjesinde, keıbir aýrýhanalardyń jumysty úılestirý is-sharalaryna baılanysty kemshilikter anyqtalǵan. Atap aıtar bolsaq, ystyq sýdyń bolmaýy, jeldetkishtiń ornatylmaǵandyǵy, medısınalyq qaldyqtardy jınaýǵa jáne saqtaýǵa qoıylatyn talaptardyń saqtalmaýy syndy birqatar kemshilikke jol berilgen. Tekserý qorytyndysymen 623 jeke jáne zańdy tulǵa 32 487 313 teńge somasynda aıyppul tóleıtin boldy.
Sondaı-aq kemshilikterdi joıý boıynsha 20 sanıtarlyq uıǵarym berilip, 7 materıal sotqa ótti.
«Túrkistan oblysynyń sanıtarııalyq-epıdemıologııalyq baqylaý departamenti halyqtyń sanıtarııalyq salamattylyǵyn saqtaý maqsatynda medısınalyq mekemelerdiń basshylaryna, jaýapty ókilderine QR DSM Densaýlyq saqtaý obektilerine qoıylatyn sanıtarııalyq-epıdemıologııalyq talaptar men qaǵıdalardy saqtaýǵa jáne normatıvtik quqyqtyq aktiler boıynsha jumys jasaýǵa shaqyrady», deıdi Túrkistan oblysynyń sanıtarııalyq-epıdemıologııalyq baqylaý departamentiniń baspasóz hatshysy Ardaq Berden.
Aıta keteıik, Túrkistan oblysynyń sanıtarııalyq-epıdemıologııalyq baqylaý departamentiniń baqylaýynda menshik nysanyna qaramastan 1 752 medısınalyq uıym bar. Onyń 123 stomatologııalyq klınıkalar men kabınetter.
Aıana Toǵanbek