Atyraýda jyl basynan beri kúıik shalǵan 6 bala qaıtys boldy, dep habarlaıdy Egemen.kz.
Atyraý oblystyq balalar aýrýhanasy dırektorynyń orynbasary Oryndyq Sıplovanyń aıtýynsha, bıyl balalar arasynda kúıik shalý faktileri kóbeıgen.
«Byltyrǵy 4 aıda 137 balany kúıik shalǵan bolatyn. Olardyń arasynan birde-bir bala qaıtys bolmaǵan edi. Al, bıylǵy qańtar-sáýir aılarynda kúıik shalǵan 185 derek tirkeldi. Onyń ishinde 6 bala qaıtys boldy. О́tken jylǵy 4 aıda aýrýhanaǵa hımııalyq kúıik alǵan balalar túspegen edi. Bıylǵy osy kezeńde osyndaı jaraqatpen 9 bala tústi. Byltyr 50 bala termııalyq kúıikpen aýrýhana dárigerlerine júginse, bıyl olardyń sany 88-ge jetti. Balalardy kúıik shalýdyń basty sebebi – ata-analardyń balalarynyń áreketine nemquraılyq tanytýy», dep túsindirdi Oryndyq Sıplova.