Memlekettik qyzmetti úılestirýshi keńes quryldy

Qazaqstan Respýblıkasy Pre­zıdentiniń «Qazaqstan Res­pýb­­lıkasynyń memlekettik qyz­metshilerin daıarlaý, qaıta daıar­laý jáne olardyń biliktiligin arttyrý qaǵıdalaryn bekitý tý­raly» №1457 Jarlyǵyna sáı­kes Memlekettik qyzmet isteri agenttigi tóraǵasynyń buı­ry­ǵymen memlekettik qyzmet­shi­lerdi daıarlaý, qaıta daıarlaý jáne olardyń biliktiligin arttyrýdy uıymdastyrýdy jetildirý boıynsha úılestirý keńesi quryldy. Keńes quramyna agenttiktiń, memlekettik basqarý aka­­de­mııasynyń ókilderi, mem­lekettik organdardyń jaýapty hatshylary, oblys, qala­lar jáne aýdandar ákimderi appa­rattarynyń jetekshileri, óńirlik oqytý orta­lyqtarynyń dırektorlary endi. Keńestiń birinshi otyrysy bıylǵy 10 sáýir kúni bolyp ótti. Jańa qurylymnyń negizgi mindeti memlekettik qyzmetshilerdi oqytý máseleleri boıynsha zańnamalardy júzege asyrý tetikterin qurý jáne jetildirýge baǵyttalǵan keli­silgen usynystar ázirleý, memlekettik qyzmetshilerdi oqytý máseleleri boıynsha memlekettik organdardyń, bilim berý uı­ym­darynyń ózara áreketteri men áriptestikterin úılestirý bolyp tabylady. Agenttik tóraǵasynyń orynbasary Á.Kómekbaev tóraǵalyq etken otyrysta memlekettik qyz­metshilerdi ortalyq jáne óńirlik deńgeıde oqytý máselesi jan-jaqty qarastyryldy. Úılestirý keńesi otyrysynyń nátıjesi boıynsha tıisti usy­nymdar qabyldandy. Sáken MAILYBAI.