Bıyl otandyq kınojobalardy qarjylandyrýǵa shamamen 4,4 mlrd teńge bólindi. Bul týraly Ulttyq kınony qoldaý memlekettik ortalyǵy málim etti, dep habarlaıdy Egemen.kz.
Aıta ketsek, pıtchıngke qatysýǵa ótinim qabyldaý 18 naýryzda bastalyp, 15 mamyrda aıaqtaldy.
Bıyl salany memlekettik qarjylandyrý somasy 4,4 mlrd teńge shamasynda. Alaıda, ortalyq konkýrs qorytyndysy naqty qashan shyǵatynyn aıta almaı otyr. Sebebi, eń aldymen ortalyq janyndaǵy sarapshylyq keńes memlekettik qarjylandyrýdan úmitti kınojabalardy qaraıdy. Odan keıin konkýrs nátıjesinde iriktep alynǵan jobalar memlekettik qoldaýǵa úmitker fılmderdiń sońǵy tizimin kelisetin vedomstvoaralyq komıssııaǵa jiberiledi. Atalǵan rásimder aıaqtalǵannan keıin ǵana QR Mádenıet jáne sport mınıstriniń ulttyq kıno óndirisiniń taqyryptyq josparyna kiretin kınojobalardyń tizimi kórsetilgen buıryǵy shyǵady.
Sońǵy 3 jylda memleket ulttyq kınematografııany qoldaý úshin 11 mlrd teńgeden astam qarajat bólgen. Bul qarajatqa 48 fılm, onyń ishinde 20 kórkem, 12 derekti, 3 anımasııalyq jáne 13 debıýttik fılm túsirildi.