Mańǵystaý oblysynyń ákimi Nurlan Noǵaevtyń ókimimen Dáýren О́tepqalı Memlekettik sáýlet-qurylys baqylaý basqarmasynyń basshysy bolyp taǵaıyndaldy, dep habarlaıdy Egemen.kz.
Dáýren О́tepqalı «qurylys» jáne «zańger» mamandyǵy boıynsha joǵary bilim alǵan. Eńbek jolyn 2010 jyly Mańǵystaý oblysynyń Sáýlet-qurylys baqylaý basqarmasynyń bas mamany bolyp bastaǵan.
2011-2013 jyldar aralyǵynda QR Qurylys jáne turǵyn úı-kommýnaldyq sharýashylyq isteri agenttiginiń Mańǵystaý oblystyq fılıalynda maman, bólim basshysy bolyp qyzmet atqarǵan.
2015-2022 jyldar aralyǵynda oblystyq Memlekettik sáýlet-qurylys baqylaý basqarmasy, odan keıin Qala qurylysy jáne jerdi baqylaý basqarmasynda bólim basshysy, basqarma basshysynyń orynbasary qyzmetterinde boldy.
2022 jylǵy naýryzdan bastap qazirgi ýaqytqa deıin Aýyl sharýashylyǵy mınıstrligi Jer resýrstaryn basqarý komıtetiniń oblystyq departamenti basshysynyń orynbasary boldy.
Oblys ákimi basqarmanyń jańa basshysyn ujymǵa tanystyryp, jumysyna tabys tiledi.