Brazılııanyń soltústik-shyǵysyndaǵy Resıfe jáne Olında mýnısıpalıtetterinde tolassyz jaýǵan jańbyr sýynyń tasqyny saldarynan 56 adam qaıtys boldy, dep habarlaıdy Egemen.kz.
Pernambýký shtatynyń azamattyq qorǵanysy 4 myńǵa jýyq turǵyn baspanasyz qalǵanyn habarlady. Jergilikti bılik aldaǵy kúnderi aýa raıynyń áli de nasharlap ketýi múmkin ekenin eskertedi.
Brazılııa prezıdenti Jaır Bolsonarý qaza tapqandardyń otbasylaryna kóńil aıtyp, izdeý-qutqarý operasııasyna kómektesý úshin apatty óńirge ásker jiberdi.
Eń kóp zardap shekken eki qalaǵa shamamen jarty mıllıon eýro kóleminde gýmanıtarlyq kómek bólindi.
Jyl bastalǵaly beri júzdegen brazılııalyq tabıǵı apat saldarynan qaıtys boldy. Aqpan aıynda Rıo-de-Janeıro shtatynyń Petropolısinde oryn alǵan sý tasqynynan 230-dan astam adam qaza tapqan.