Buǵan Úndistannyń eksportty shekteýi sebep. Al úndi úkimeti ishki naryqtaǵy qymbatshylyqtyń aldyn alý úshin osyndaı qadamǵa barǵan, dep habarlaıdy Egemen.kz «Habar 24»-ke silteme jasap.
Jahandaǵy eń iri eksporttaýshylardyń biri 6 jyldan beri alǵash ret syrtqy satylymdy kidirtip otyr. Iаǵnı qyrkúıekke deıin memleket bar-joǵy 8 mln tonnasyn satýy tıis edi. Alaıda jasalǵan kelisimder qazirdiń ózinde 7 mıllıonnan asqan. Demek aldaǵy úsh aıda eksport toqtaıdy. Buǵan deıin de álemdegi qant quny sońǵy 5 jyldaǵy eń joǵary kórsetkishke jetkenin aıttyq. Ol kezde Brazılııanyń óndiristi azaıtýy áser etkeni belgili. 23 mamyrdan bastap, Qazaqstan aýmaǵynan da 6 aı merzimge qant pen shıki qantty alyp shyǵýǵa tyıym salyndy. Al aýyl sharýashylyǵy mınıstrligi qant ımportyn 32 prosentke tómendetetinin málimdedi.
Aıana Toǵanbek