Oblystyq Tótenshe jaǵdaılar departamenti baspasóz qyzmetiniń málimetinshe, qaıǵyly jaǵdaı Esil jáne Bulandy aýdandary aýmaǵyndaǵy sý qoımalarynda bolǵan, dep habarlaıdy Egemen.kz.
«Mamyrdyń 28-inde saǵat 15:00 shamasynda Esil aýdanyndaǵy Janyspaı aýylynan 250 metr qashyqtyqtaǵy Janyspaı ózeninen 63 jastaǵy er adamnyń denesi tabyldy. Ony kýágerler kórip, sýdan alyp shyqty. Oqıǵa ornyna TJD jeke quramynan 2 adam jáne 1 arnaıy tehnıka, aýdandyq PB jeke quramynan 8 adam jáne 2 tehnıka shaqyryldy. Qazirgi kezde er adamnyń ólimine qatysty sot-medısınalyq saraptama taǵaıyndaldy», dedi vedomstvodan.
Sonymen birge, mamyrdyń 29-ynda saǵat 11:30 Bulandy aýdanynyń Boıarka aýyly mańyndaǵy Qaraǵaı kentinde 32 jastaǵy er adamnyń denesin súńgýirler sýdan alyp shyqty.
Kýágerlerdiń sózinshe, ol 28 mamyr kúni saǵat 15:00 shamasynda qaıyqtan qulap, toǵannyń sýyna batyp ketken.