Bul týraly oblystyq polısııa departamenti málimdedi, dep habarlaıdy Egemen.kz.
«Atyraý oblysy polısııa departamenti ekstremızmge qarsy is-qımyl basqarmasynyń qyzmetkerleri 1993 jyly týǵan destrýktıvti dinı aǵymdardyń ókilin anyqtady. Onyń turǵylyqty jeri boıynsha tintý júrgizý kezinde «MR-79» markaly 9 mm kalıbrli travmatıkalyq tapansha, onyń patrondary (14 dana), tyıym salynǵan málimetteri bar flesh-kartalar (5 dana) tabylyp, tárkilendi», delingen Atyraý oblysy PD baspasóz qyzmeti taratqan habarlamada.
Kúdikti QR QIJK 128-baby negizinde ýaqytsha ustaý ızolıatoryna qamaldy.
Atalǵan fakti boıynsha Atyraý qalasynyń №2 polısııa bólimi QR QK 287-babynyń 2-bóligi (qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý) boıynsha sotqa deıingi tergeýdi bastady.