Vetnamda 150 metr bıiktikte salynǵan, uzyndyǵy 632 metrdi quraıtyn shyny kópir ashyldy, dep habarlaıdy Egemen.kz.
Jańa kópir memleket astanasy Hanoıdyń soltústik-batysynda ornalasqan Son La provınsııasynda paıda boldy. «Aq aıdahar» dep atalatyn kópirdiń uzyndyǵy 632 metr. Onyń ústine qalyńdyǵy 40 mıllımetrlik shyny úsh qabattalyp tóselgen.
Joba avtorlarynyń aıtýynsha, bul jolmen bir ýaqytta 450 adam óte alady.
Vetnamdaǵy jańa nysan álem rekordyn jańartyp, Gınnes rekordtar kitabyna endi.
Aıta ketsek, buǵan deıingi rekord Qytaıdaǵy kópirge tıesili edi. Onyń uzyndyǵy 523 metr.
Saltanat Kenjebaı