Elimizde uıaly telefondarda saqtalyp turatyn jeke málimetter arqyly bopsalaý áreketteri kezdese bastady. Endi smartfonyn joǵaltyp alǵan adamnyń taǵdyry áldekimniń oıynshyǵyna aınalýy ábden múmkin. Bul týraly «31 arna» habarlady.
Atalǵan telearnanyń aqparatynda aıtylǵandaı, Taldyqorǵan qalasynyń bir turǵyny – 43 jastaǵy áıel qalta telefonyn joǵaltqanymen, ony polısııaǵa habarlamaǵan. Birneshe kúnnen keıin álgi áıeldi beıtanys bireý árneni aıtyp qorqytqan. Jumbaqtamaı sóılesek, áıeldiń qoldy bolǵan baılanys quralynda aty-jóni keńinen tanymal bir sheneýnikpen túsken sýretteri men ózara almasqan jeke jazbalary saqtalypty. Al bopsalaýshy adam osy derekter men sýretterdi ınternet jelilerine ornalastyratynyn aıtyp, áıeldiń záre-qutyn qashyrǵan. Sodan ol abyroıyn saqtap qalýdyń qamymen tasada turyp, ózine tas atqan janǵa suraǵan 3 myń dollaryn usynǵan. Alaıda, kók qaǵazdy shirene turyp qaltasyna basqan pysyqaı ony bopsalaýyn osymen toqtatatynyna kepildik bermegen.
«31 arnanyń» túsindirýi boıynsha, qoldy bolǵan apparatty jáne sonymen birge kóldeneń tabysqa kózin súzgen alaıaqty IMEI-kody arqyly taýyp alý qıyn emes kórinedi. Atalǵan kod árbir qurylǵynyń batareıkasy astynda nemese qorabynda jazylyp turady eken. Qazirgi tańda tıisti oryndar IMEI-kodtar bazasyn jasaqtaýǵa kirisipti. Osy bazadaǵy málimetter negizinde búkir pıǵyldy bopsalaýshylardy ońaı qolǵa túsirýge bolady.
Joldybaı Bazar.
Derekkóz: «31 arna».
Foto: Rravilnyj.ru.