Búgin, 18 sáýir kúni Baılanys jáne aqparat agenttigi «Juldyzdar otbasy. Ańyz adam» jýrnalynyń sáýir aıynda shyqqan nómirine baılanysty málimdeme jasady. Bul týraly agenttiktiń baspasóz qyzmeti habarlady.
«Jýrnaldyń mazmunynda Qazaqstan Respýblıkasynyń Konstıtýsııasy men zańnamasyn buzýshylyq, atap aıtqanda, áleýmettik, ulttyq, rýlyq, násildik nemese dinı arazdyqty qozdyrý (QR Qylmystyq kodeksiniń164-baby) belgileri bar. Atalǵan fakti boıynsha agenttik tıisti sharalar qabyldaýda», delingen habarlamada.
Baspasóz qyzmetiniń málimetinshe, basylymynyń sáýir aıyndaǵy nomeriniń kóp bóligi Adolf Gıtler tulǵasynyń jan-jaqty qyrlaryn jáne fashıstik ıdeologııany aqtap alýǵa arnalǵan. Atap aıtqanda, «Gıtler fashıst emes» degen taqyryppen shyqqan materıaldarda jýrnalıst Naǵashybaı Esmyrza ultshyl-sosıalısterdiń kóshbasshysyn aqtap qana qoımaı, sonymen birge, mátin ashyq túrde ksenofobııalyq sıpatta berilgen.
«Maın kampf - bul kitap ne týraly?» degen taqyryptaǵy basqa materıalda avtorlar Gıtler kitabyn talqylaıdy.
Jýrnal Jarylqap Qalybaıdyń redaktorlyǵymen shyǵarylǵan.
Qurysh Nurymbet.
Derekkóz: Baılanys jáne aqparat mınıstrliginiń baspasóz qyzmeti.