Eýrazııalyq ekonomıkalyq odaq aıasynda temir jol tarıfteri burynǵy qalpynda saqtalyp qalady. Bul týraly búgin, 18 sáýir kúni Ortalyq kommýnıkasııalar qyzmetinde «Qazaqstan temir joly» UK» AQ –nyń korporatıvtik damý jónindegi basqarýshy dırektory Erkin Jýsanbaev jetkizgen málimdemege silteme jasaǵan egemen.kz tilshisi habarlady.
Basqarýshy dırektordyń aıtýyna qaraǵanda, Eýrazııalyq ekonomıkalyq odaq aıasynda temir jol tranzıttik qyzmetiniń áleýeti artady. Al temir jol tarıfi, sonyń ishinde bılet quny qymbattamaıdy.
«Eýrazııalyq ekonomıkalyq odaqty qurý kezinde kólik qatynastaryna qatysty kelisim-shartta odaq ishinde temirjoldyń tarıfin teńestirý máselesi qarastyrylyp, birdeı bolsyn delingen edi. Reseı temirjolynyń qyzmeti bizden 2-2,5 ese qymbat ekeni málim. Osyny eskerip, biz bul sheshimge kelispedik. Sóıtip, ár el óziniń kólik qyzmetiniń aqysyn ózi sheshetin boldy», - dedi E.Jýsanbaev.
Ol sondaı-aq Eýrazııalyq ekonomıkalyq odaq kóliktik tranzıttiń áleýeti men básekelestikti arttyratyndyǵyn da toqtaldy. Qazaqstan, Reseı jáne Belarýs ınfraqurylymdarynyń shekaralas ýchaskelerinde táýelsiz tasymaldaýshylarǵa teńdeı múmkindik ashý máselesi qarastyrylyp otyr. Atalǵan telimder Qazaqstan men Reseı aýmaqtarynda lokomotıvterge qyzmet kórsetiletin oryndardyń shekarasy retinde anyqtalatyn kórinedi. Sóıtip, tasymaldaýshylar teńdeı jaǵdaıda jumys isteý múmkindikterine ıe bolady.
Nurbaı Elmuratov.
Derekkóz: egemen.kz.
Foto: www.newskaz.ru.