Aýstrııanyń Insbrýk qalasynda taekvondodan halyqaralyq Austrian Open týrnıri máresine jetti. Jarystyń alǵashqy kúninde daıangqa shyqqan Qazaqstannyń jasóspirimder men jastar quramalary úzdik nátıje kórsetti.
Atap aıtqanda, jas órenderimiz jarys barysynda jalpy sany 28 medal jıyntyǵyn (11 altyn, 11 kúmis jáne 6 qola) jeńip aldy. Myrzaǵalı Sýranov baptaıtyn Qazaqstan jasóspirimder quramasy 20 medalmen (7 altyn, 8 kúmis pen 5 qola) jalpykomandalyq esepte kósh bastasa, jastar quramasy 8 júldege (4 altyn, 3 kúmis pen 1 qola) qol jetkizdi.
Jarystyń kelesi kúninde Batyrbek Esdáýletov baptaıtyn eresekter quramasy da jalpy esepte úzdik úshtikten kórindi. Olardyń enshisinde – 2 altyn, 1 kúmis pen 4 qola medal bar. Jarys barysynda Rıta Bakısheva (46 kg) men Jasýr Israılovke (58 kg) teń keler qarsylas tabylmady. Al 63 kıloda óner kórsetetin Ádilet Bazarbaev ekinshi orynǵa turaqtady. Eljan Elshibaı (58 kg), Saparǵalı Ábdirashev (63 kg), Rahym Ádilhanov (80 kg) pen Rýslan Japarov (+87 kg) halyqaralyq týrnırdiń qola medal ıegerleri atandy.